☀⭐မုန်းမရှိ⭐☀: June 2015

Thursday, June 25, 2015

မိမိကိုယ်

၁၆၀
မိမိသည်သာလျှင် မိမိ၏ကိုးကွယ်ရာဖြစ်၏၊ သူတစ်ပါးသည်မိမိ၏ ကိုးကွယ်အားထားရာ အဘယ်မှာ ဖြစ်ရာအံ့နည်း၊ မိမိကိုယ်ကို ကောင်းစွာ ဆုံးမခြင်းအားဖြင့် ရခဲလှသည့်နိဗ္ဗာန်တည်းဟူသော ကိုးကွယ်ရာကို ရလေ၏။
ဓမ္မပဒ

Wednesday, June 24, 2015

မနက်ဖန်အတွက်

"မနက်ဖန်အတွက်"
တစ်နေ့တာရဲ့
မဝေးကွာသေးတဲ့
နွေးထွေးဆဲလှုပ်ရှားမှုများ။
အိပ်ယာထဲဝင်
နဖူးပေါ်လက်တင်
ဖန်သားပြင်ပေါ်က ရုပ်ပုံပမာ
တစ်လွှာစီဖြန့်ကြည့်။
ဘဝအသိနဲ့ ယှဉ်
တရားအသိနဲ့ မြင်
မှားတာရှိရင် ပြုပြင်
ဆင်ခြင်စရာတွေရွေးထုတ်
(မနက်ဖန်မှာ)
ပိုပြီးကောင်းအောင်လုပ်။ ။
တင်ဝင်းမောင်(အောင်လံ)

ဇွဲစိတ်ကို ဖျက်ဆီးတတ်သော အကြောင်းများ

"ဇွဲစိတ်ကို ဖျက်ဆီးတတ်သော အကြောင်းများ"
၁။ မိမိအလုပ်ကို မိမိကပင် ဂုဏ်ငယ်သည်ဟု ထင်မြင်လာမိခြင်း။
၂။ စိတ်ညစ်လွယ်၊ စိတ်တိုလွယ်ခြင်း။
၃။ ပင်ပန်းမှု၌ သည်းမခံနိုင်ခြင်း။
၎။ မိမိကိုယ်မိမိ မယုံကြည်ခြင်း၊ စိတ်ကူးပြောင်းလဲခြင်း။
၅။ ရှက်တတ်လွန်း၊ ကြောက်တတ်လွန်းခြင်း။
၆။ ပျင်းရိတွေဝေ၍ သူတစ်ပါးစကားကို နားယောင်ခြင်း။

ယုတ်ညံ့သူ နှင့် မြင့်မြတ်သူ

"ယုတ်ညံ့သူ နှင့် အထက်တန်းကျသူ"
"မိစ္ဆာပဏိဟိတံ စိတ္တံ ၊ ပါပိယော နံ တတော ကရေ = မကောင်းသော စိတ်ထားသည် ထိုစိတ်ရှိသူကို ယုတ်ညံ့ ဆိုးဝါးသူဖြစ်အောင် ပြုတတ်သည်"
"သမ္မာပဏိဟိတံ စိတ္တံ ၊ သေယျသော နံ တတော ကရေ = ကောင်းသောစိတ်ထားသည် ထိုသူကို အထက်တန်းကျသူဖြစ်အောင် ပြုသည်။"
ဓမ္မပဒ

Tuesday, June 23, 2015

ဆုံးမပေးပါ

"ဆုံးမပေးပါ"
ဗုဒ္ဓဘာသာ၊ မိမာတာနှင့်
ပိတာဖခင်၊ ကျေးဇူးရှင်တို့
ရင်မှဖြစ်သော၊ သမီးချောကို
အပြစ်ကင်းစင်၊ နုနယ်စဉ်၌
နောင်ခါအရေး၊ ဘဝင်အေးအောင်
အမျိုးပျက်မည်၊ အရေးသည်ကြောင့်
ဝံသတရား၊ လက်ကိုင်ထား၍
အခါမရွေး၊ ဆုံးမပေးလော့။
ဆန်ရေစပါး၊ ယူသုံးစားလျက်
ဥစ္စာပစ္စည်း၊ အပိုင်စီး၍
မောဟ,တဏှာ၊ အဝိဇ္ဇာကြောင့်
မဖြောင့်စိတ်ထား၊ ကောက်ကျစ်များ၍
ကျွေးသောလက်ကိုက်၊ ခွေးမိုက်ပမာ
သစ္စာမဲ့စွာ၊ လူယုတ်မာနှင့်
ရှောင်ခွာကွေကွင်း၊ မပေါင်းသင်းအောင်
သတိတရား၊ အမြဲထား၍
နေ့,ညမဟူ၊ ဆုံးမယူလော့ … ။
စောသုအောင် (လေးအိမ်စုအထက)

လိုက်နာကျင့်သုံး အမြတ်ဆုံး

"ဘဝမှာအမြဲ လိုက်နာကျင့်သုံးသင့်သော အချက်များ"
၁။ လောဘနည်းစေရန် မိမိအိတ်ထဲမှ ငွေကို အနည်းငယ်မျှ နေ့စဉ်ပေးလှူပါ။
၂။ ညီတူညီမျှ ခွဲဝေယူရန်ရှိပါက မိမိဝေစုကို လျှော့ချပေးပါ။
၃။ သူတစ်ပါး၏ ကျွေးမွေးလှူတန်းမှုကို အနည်းငယ်ပါယူ၍ မိမိမှ ပို၍ သူတစ်ပါးအတွက် ကျွေးမွေးလှူတန်ရန် ကြိုးစားပါ။
၎။ အခါမရွေး မိမိဘက်ကသာ သူတစ်ပါးကို အရင်ဆုံး ကျွေးမွေးရန်၊ ကူညီရန် ကြိုးစားပါ။
၅။ အခွင့်အရေးကို ပိုမယူပါနှင့်၊ သူတစ်ပါးကို အခွင့်အရေးပေးရန် ကြိုးစားပါ။
၆။ ကူသိုလ်တစ်ခုခုလုပ်ရန် စိတ်ကူးနေပါ။

ကမ္ဘာကျော်စကား မှတ်သားစရာ

လူတစ်ယောက်ဟာ ပညာသင်ယူမှုကပဲဖြစ်ဖြစ်

ဘဝအတွေ့အကြုံကပဲဖြစ်ဖြစ်

သူ့ဘဝအတွက် ထူးခြားတဲ့အရာတစ်ခု၊

သူတစ်ပါးဘဝအတွက်၊ အလွန်အရေးကြီးတဲ့ အရာတစ်ခုအတွက်

စိတ်ထက်သန်ပြင်းပြမှုတစ်ခု ရှိလာတတ်ပါတယ်။

ကျွန်တော့်အတွက်တော့ ပန်းချီအနုပညာပေါ့။

ကိုယ်စိတ်ထက်သန်ပြင်းပြမှုနောက်ကိုပဲ လိုက်ပါ။

အဲဒီအတွက် အဘက်ဘက်က ပြည့်စုံကောင်းမွန်အောင် ကြိုးစားပါ။

အဲဒီနယ်ပယ်မှာ ထူးချွန်ထက်မြတ်လာပြီဆိုရင်

သူတစ်ပါးကိုလည်း သင်ကြားပေးလို့ရတယ်၊ ကူညီပံ့ပိုးပေးနိုင်တယ်။

သင့်ရဲ့ စိတ်ထက်သန်ပြင်းပြမှုကို

ကိုယ်ရော တခြားလူတွေဆီပါ ချဲ့ထွင်တိုးချဲ့နိုင်မယ်။

သူတစ်ပါး လုပ်ခိုင်းစေချင်တာတွေကို လိုက်လုပ်ဖို့ မကြိုးစားပါနဲ့ ။

ကိုယ်စိတ်ထက်သန်မှုနောက်ကိုပဲ တစိုက်မတ်မတ်လုပ်ပါ။

အက်ဂနက်စ်ဂန်း၊ (ဥက္ကဋ္ဌ၊ ခေတ်သစ်ပန်းချီပြတိုက်) ။

Sunday, June 21, 2015

မှတ်သားစရာ

ပညာသင်တဲ့အခါ မြင်းများ၊ နွားများ အမြီးရှည်လာရင် သူ့အရှက်ကို လုံခြုံစေတယ်။ နှောက်ယှက်မယ့် မှက်-ခြင် အန္တရာယ်ကိုလည်း ကာကွယ်နိုင်သလို၊ အလားတူ စာဆိုတာ အခက်အခဲတစ်ခုကို ကျော်ဖြတ်ပြီး သာသနာပြုဖို့အတွက်သက်သက် ရည်ရွယ်သင့်တယ်။
ခွေးဟာ အကောင်ကြီးလေ အမြီးရှည်လာလေပဲ။ အဲ … သူ့အမြီးက ဘယ်နားမှာမှ သုံးမရတဲ့အပြင်ဖင်ပေါ်တာပဲ အဖတ်တင်သလို၊ ပညာတတ်လေ အတ္တမာနကြီးလေ၊ သူများကို အနိုင်ကျင့်ချင်လေဆိုရင် ခွေးအမြီး ရှည်လာတာနဲ့ အတူတူပဲ။
အမရပူရမြို့၊ဘာသာဋီကာကျမ်းပြုအကျော် မဟာဂန္ဓာရုံဆရာတော်ကြီး

Thursday, June 18, 2015

စကားအရာ အင်္ဂါလေးတန်

"စကားအရာ အင်္ဂါလေးတန်"
(၁) သုဘာသိတ _ ကောင်းသောစကား ။
(၂) ဓမ္မ _ တရားသော စကား ။
(၃) ပီယ _ ချစ်ဖွယ်သော စကား ။
(၄) သစ္စ _ မှန်သော စကားတို့ ဖြစ်သည် ။
ထိုတွင် သူအချင်းချင်း မတည့်အောင် ရန်တိုက်ပေးသော ပိသုဏဝါစာကို မပြောဆိုဘဲ ကွဲပြားသူများ ညီညွတ်အောင်, ညီညွတ်နေသူများ ပိုမိုညီညွတ်အောင် ပြောဆိုသောစကားကို သုဘာသိတဟု ဆိုသည်။
သမ္ဖပ္ပလာပ (အနက်အဓိပ္ပါယ်ကင်းမဲ့သော စကားဖျင်း)ကို မဆိုဘဲ ရှောင်ရှားလျက် အဖြစ်အပျက် အကြောင်းအရာမှန် , သဘာဝအမှန်ကို ပြောဆိုခြင်းကား ဓမ္မဖြစ်သည်။
ဖရုသဝါစာ (ဆဲရေးမောင်းမဲ ကျိန်ဆဲခြင်းစသော ကြမ်းထမ်းသောစကား)ကို မဆိုဘဲ သာယာပြေပြစ် နှစ်လိုဖွယ်ပြောဆိုသော စကားမှာ ပီယ(ချစ်ဖွယ်စကား)ဖြစ်၏။
မုသာဝါဒ(လိမ်ပြောသော စကား)ကို မဆိုဘဲ အမှန်အတိုင်းပြောသော စကားမှာ သစ္စာပင်တည်း။
သဂါထာဝဂ္ဂ - သုဘာသိတသုတ်လာ စကားလေးမျိုး

Tuesday, June 16, 2015

ဘဝတွင် ထားရှိရမည့် အရေးကြီးဆုံးအရာ(၁၀)ခု

"ဘဝတွင် ထားရှိရမည့် အရေးကြီးဆုံးအရာ (၁၀)ခု"
၁။ ချစ်ခြင်းမေတ္တာ
သင့်ကို လုံးဝနွေးထွေးစေပြီး အံ့ဖွယ်ကောင်းစေတဲ့ ခံစားမှု။
၂။ လေးစားမှုရှိခြင်း
သင့်ကိုအခြားသူတွေက ဆက်ဆံချင်သလိုမျိုး သင်ကလည်း အခြားသူတွေကို ဆက်ဆံခြင်း။
၃။ နားလည်သိတတ်မှုရှိခြင်း
ဘဝက ပေးအပ်ရတဲ့ ကောင်းတဲ့အရာတွေ အားလုံးအတွက် ကျေးဇူးတင်တတ်ပါ။
၎။ ပျော်ရွှင်မှုရှိခြင်း
အချိန်တိုင်းမှာ အပြည့်အဝ ပျော်ရွှင်ခြင်း၊ ပြုံးနေတဲ့မျက်နှာ။
၅။ ခွင့်လွှတ်တတ်ခြင်း
ဒေါသမထွက်ဘဲ ဘာမဆို လွတ်လပ်ခွင့်ပေးနိုင်သည့် အရည်အချင်း။
၆။ မျှဝေတတ်ခြင်း
ပြန်ရဖို့ အတွေးလုံးဝမရှိဘဲ ပေးဆပ်ခြင်းမှာ ပျော်ရွှင်မှု။
၇။ ရိုးသားဖြောင့်မတ်ခြင်း
အမြဲတမ်း အမှန်ကို ပြောဆိုတတ်သည့် အရည်အချင်း။
၈။ တည်ကြည်မှုရှိခြင်း
ဘာပဲဖြစ်ဖြစ် မှန်တာကို ပြုလုပ်တတ်သည့် အပြစ်ကင်းစင်မှု။
၉။ သနားကြင်နာတတ်ခြင်း
အခြားသူရဲ့နာကျင်မှုကို သက်သာစေပြီး သူ့ရဲ့နာကျင်မှုကို ခံစားနားလည်ပေးတတ်တဲ့ အရည်အချင်း။
၁၀။ ငြိမ်းချမ်းခြင်း
အရေးအကြီးဆုံးအရာ ဆယ်ခုဖြင့် နေထိုင်သွားဖို့အတွက် ဆုလာဘ်။
ဝိုင်းချစ်

Saturday, June 13, 2015

မြေခွေးလောဘ

"မြေခွေးလောဘ"
သားတစ်ကိုက်ကာ၊ ရေမှာကူးဘိ
မိမိရိပ်သွင်၊ မြင်လျှင်ငပ်ငပ်
လောဘတပ်ပြီး၊ လိုက်ဟပ်တုံလျှင်း
နှုတ်ခံတွင်းက၊ ကိုက်ရင်းသားတစ်
စင်စစ်လွတ်ထ၊ ရေတွင်ကျ၍
မရလက်ချည်း၊ ဝမ်းနည်းမှိုင်ကာ
နေရစွာသား၊ လိမ္မာမဲ့လစ်
မြေခွေးညစ်သို့၊ စင်စစ်ယုတ်မာ
ဤလူ့ရွာ၌၊ မဟိစ္ဆာဆိုး
လောဘမျိုးကား၊ အကျိုးမပြီး
အချည်းနှီးသည်၊ ပျက်စီးလက်မဲ့
လက်ခါတည်း။ ။ (၂၄၇)

ရှေးအခါက မြေခွေးတစ်ကောင်သည် တောစပ်နားရှိ အိမ်တစ်အိမ်သို့ နောက်ဖေးမှ အမှတ်မထင်ဝင်ကာ အမဲသားတစ်ကို ချီပြီး ပြေး၏။ တံတားတစ်ခုသို့ရောက်၍ တံတားပေါ်ဖြတ်ကျော်လာရာ ရေထဲတွင် မိမိအရိပ်ကို အမဲတုံး ချီလာသော အခြားမြေခွေးတစ်ကောင်ဟု ထင်မှတ်၍ လုယူရန်ခုန်အုပ်လိုက်၏။ ထိုအခါ မိမိချီလာသော အမဲတုံးလည်း ရေထဲကျကာ ပျောက်ဆုံးသွားပြီး ကိုယ်တိုင်လည်း ရေထဲမှ အနိုင်တက်ခဲ့ရ၏။

သတ္တဝါတို့မှာ ဣစ္ဆာဟူသော အလိုဆန္ဒ ရှိကြမြဲဖြစ်၏။ သို့သော်လည်း အချို့သော သတ္တဝါတို့ကား အလိုဆန္ဒ လွန်ကဲ၏။ လွန်ကဲသော အလိုဆန္ဒကို မဟာဣစ္ဆာ = မဟိစ္ဆာဟု ခေါ်၏။ စင်စစ် လောဘကြီးခြင်းပေတည်း။ လိုသည်ထက်ပိုပြီး လောဘကြီးသော မဟိစ္ဆာမျိုး မဖြစ်စေရန် မွန်မြတ်သောသူတို့ စောင့်ထိန်းကြသည်။ သူယုတ်တို့မှာသာ ဤအလိုဆိုးမျိုးရှိတတ်ကြ၏။

မဟာသုတကာရီ လမ်းညွှန်နီတိ

အံ့သြဖွယ်အကောင်းဆုံးအရာ

"အံ့သြဖွယ်အကောင်းဆုံးအရာ"
မဟာဘာရတကျမ်းကြီး၌ ပါရှိသော တရားနတ်မင်း(ဓမ္မ)၏မေးခွန်းကို ယုတ
ဓိတ္တရ၏ ဖြေကြားချက်များအနက် တစ်ခုမှာအောက်ပါအတိုင်း ဖြစ်လေသည်။
မေး။ ။ ကမ္ဘာ၏အံ့သြဖွယ်များအနက် မည်သည့်အရာသည် အံ့သြဖွယ် အကောင်းဆုံး ဖြစ်သနည်း။
ဖြေ။ ။ မိမိပတ်ဝန်ကျင်တွင် နေ့စဉ်နှင့်အမျှ လူတွေသေနေကြပါလျက် မည်သူမျှ ကိုယ့်ကိုယ်ကို သေမည် မထင်ကြပေ။
၎င်းသည် အံ့သြဖွယ်အကောင်းဆုံး ဖြစ်ပါသည်။
_ဓမ္မအလင်းသစ်ရသစာစုပါ ဦးသန်းထွန်း(ရွှေဘို၏ 'နေရေးဒဿ န'ဆောင်းပါးမှ။

နောင်ခါလာ နောင်ခါဈေး

"နောင်ခါလာ နောင်ခါဈေး"
နောင်ခါလာ နောင်ခါဈေး
သည်အတွေး သည်အမြင်
ရင်ထဲမှာ ခိုင်မာမြဲ
ငြိစွဲလို့ပင်
ကိုယ်ထင်ရာ ကိုယ်လုပ်ချင်
မဆင်ခြင် မစစ်ကြော၊
တစ်ဇွတ်ထိုးနောက်မဆုတ်
လုပ်တတ်ပြန်ရော။
ပြောပြန်လျှင် မနှစ်ခြိုက်
အရွဲ့တိုက်နေချင်
ရှေ့ရေးမမြင်
ဘယ်သူ့မှ ထီမထင်
အသွင်က သည်သဘော
အတွေးအခေါ် အဆုံးအဖြတ်များရယ်က
ထပ်ခါထပ်ခါ မှားလာတော့
နောင်ခါလာ နောင်ခါဈေးရယ်
ဘေးတွေ့ပြီကော။ ။
အောင်ထွန်းလင်း(ချောက်)

Friday, June 12, 2015

ခေတ်လူငယ်တို့၏ အကျင့်ဆိုး(၁၀)ခု

"ယနေ့ခေတ်ဆယ်ကျော်သက်လူငယ်များ
ပြုမူလုပ်ဆောင်နေသည့် အမူအကျင့်(၁၀)ခု"
ယနေခေတ်ကာလ၌ နည်းပညာများထွန်းကားလာခြင်းသည် လူ့အဖွဲ့အစည်းအတွက် ကောင်းသောလက္ခဏာ တစ်ရပ်ဖြစ်သကဲ့သို့ တိုးတက်မှု ပြယုဂ်တစ်ခုလည်းဖြစ်သည်။ သို့သော် အဆိုးနှင့်အကောင်းသည် ဒွန်တွဲပါလာတတ်စမြဲဖြစ်ရာ မျက်မှောက်ခေတ် ခေတ်မီဆန်းသစ်သည့် ပစ္စည်းကိရိယာများသည် လူငယ်များအတွက် အတိုင်းအတာတစ်ခုအထိ ဆိုးကျိုးသက်ရောက်စေသည့် အမူအကျင့်များကိုလည်း ဖြစ်ပေါ်စေသည်။ ထို့အပြင် အချို့သောပစ္စည်းကိရိယာများ၊ ထုတ်ကုန်ပစ္စည်းများသည် လူငယ်ထုအတွက် အဓိကပစ်မှတ်ထား ထုတ်လုပ်သည်များလည်းရှိသည်။ တိုးတတ်ပြောင်းလဲလာသည့် လူနေမှုခေတ်စနစ်နှင့်အညီ ဆယ်ကျော်သက်လူငယ်များအကြား ပြုမူလုပ်ဆောင်လာသည့် အမူအကျင့်စရိုက်လက္ခဏာ(၁၀)ခုကို လေ့လာတင်ပြပါမည်။
၁။ လူမှုရေးဝက်ဘ်ဆိုက်စာမျက်နှာများပေါ်တွင် အချိန်ကုန်နေခြင်း
၂။ မိုဘိုင်းဖုန်း အလွန်အကျွံ သုံးစွဲပြောဆိုခြင်း
၃။ နောက်ဆုံးပေါ် ပစ္စည်းကိရိယာများ ဝယ်ယူလိုစိတ် ပြင်းထန်ခြင်း
၎။ ဗီဒီယိုဂိမ်း အလွန်အကျွံ ကစားခြင်း
၅။ ငယ်ငယ်ရွယ်ရွယ်နှင့် အကျင့်စရိုက်ဆိုးများ ဝင်လာခြင်း
၆။ ငယ်ငယ်ရွယ်ရွယ်နှင့် ရည်းစားထားခြင်း
၇။ ညကပွဲများတွင် အလွန်အကျွံ ပါဝင်ဆင်နွဲခြင်း
၈။ ခေတ်ပေါ် ဝတ်စားဆင်ယင်မှုကို အရူးအမူးဖြစ်ခြင်း
၉။ ရုပ်သံဝါသနာအိုးများ ဖြစ်လာခြင်း
၁၀။ အလွန်အကျွံ အိပ်စက်အနားယူခြင်း(အလုပ်ချိန်မှာ အိပ်စက်အနားယူခြင်းကို ဆိုလိုသည်)

အေးဝမ်းစိုး
(9-7-2012)ထုတ် နိုင်ငံတကာသတင်းဂျာနယ်မှ။

လူ့အဖွဲ့အစည်း၏ အဓိက လိုအပ်ချက်

"လူ့အဖွဲ့အစည်း၏ အဓိက လိုအပ်ချက်"
အို…… မိတ်ဆွေ
သင်ဟာ မကောင်းတဲ့မျိုးရိုးက ဆင်းသက်လာလို့လည်း ဝမ်းမနည်းပါနဲ့
သင့်ကို လူ့အဖွဲ့အစည်းကြီးက လက်ခံပါတယ်။
စာမတတ်လို့လည်းနေရတယ် ဘာမှမဖြစ်ဘူး။
ရုပ်မချောလို့လည်း သိမ်ငယ်မနေပါနဲ့ နှလုံးလှတဲ့လူတွေက သင့်ကို ပွေ့ဖက်ထားကြမှာပါ။
ဒါပေမယ့် ကိုယ်ကျင့်တရားမကောင်းဘူး ဆိုရင်တော့ ………………………………………
ဒါပါပဲ။

လူ့အဖိုးတန်လေးများ ဖြစ်ဖို့

"လူ့အဖိုးတန်လေးများ ဖြစ်ဖို့"
တော်တဲ့ဆရာကသာ တော်တဲ့တပည့် မွေးထုတ်နိုင်တာ။
ညံ့တဲ့ဆရာက တော်တဲ့တပည့် မမွေးထုတ်နိုင်ဘူး။
သည်ကြားထဲ သင်ကြားရေးသမားက
စိတ်ဓာတ်ပါညံ့တဲ့ ဆရာမျိုး ဆိုရင်တော့
အင်္ဂုလိမာလလို တပည့်မျိုးတွေ ထွက်လာလိမ့်မယ်။
ဆရာတွေ တော်ဖို့လိုသလို စိတ်ဓာတ်ကောင်းဖို့လည်း လိုတယ်။
မင်းသန်းထိုက်(ဒေးဒရဲ)

Thursday, June 11, 2015

အလုပ်မမှားစေနဲ့

"အလုပ်မမှားစေနဲ့"
ငါလုပ်နေသောအလုပ်သည် အပြစ်ရှိသော အလုပ်လား၊ အပြစ်မရှိသော အလုပ်လားဟု ဝေဖန်ပိုင်းခြားကြည့်ပါ။ အပြစ်ရှိသောအလုပ်ကိုလုပ်လျှင် ထိုအပြစ်ကို မည်သူမျှ လက်ခံလာမည်မဟုတ်။ မိမိသာ ခံရမည်။ အပြစ်ရှိသောသူကို သဘာဝမိခင်က လက်ပိုက်ကြည့်နေမည်မဟုတ်ပါ။ အပြစ်နှင့်လျော်ညီအောင် ဆုံးမမည်မှာ သေချာသည်။ သို့အတွက် 'အလုပ်မမှားစေနဲ့'ဟု ဆိုလိုပါသည်။
ရွှေပေါ်ကျွန်းဆရာတော်

တုမနှိုင်းသာ

"တုမနှိုင်းသာ"
ကောင်းကင်တက်ထွန်း လပြည့်ဝန်း
လေးကျွန်းစကြာ ဤကမ္ဘာ
တစ်ခုသာရှိ သို့ပါဘိ
အမှိုက်မှောင်အား ကုန်ဖယ်ရှား၏။
သိန်းသောင်းထောင်ရာ ကြယ်တာရာ
များစွာရှိနော် သို့ပါသော်
အမှိုက်အမှောင် ကုန်စင်အောင်
ဖယ်ဆောင်ခြင်းငှာ မစွမ်းရာ။
ပုံပမာယူ ထိုနည်းတူ
ပညာရှိသူ တစ်ယောက်မူ
တစ်မူထူးခြား ဂုဏ်များပြား၏။
ပညာမဲ့ကား
အရာမက
များပြားလှလည်း မမြတ်ဘဲ
တန်ဖိုးချင်းရာ မနှိုင်းသာ။ ။
မုန်း မရှိ

အဓိပ္ပါယ်ရှိလှ မြတ်ဘဝ

ကာယ,ဉာဏ၊ ဓနအင်အား၊ ရှိပါငြားလျက်၊
သူတစ်ပါးအကျိုး၊ မသယ်ပိုဘဲ၊
ကိုယ်ကျိုးသာမျှ၊ သယ်ပိုးကြလျှင်၊
ဘဝအဓိပ္ပါယ်၊ ဆိတ်သုဉ်းကွယ်ဟု၊
တကယ်သိမြင်၊ ဉာဏ်နှင့်ယှဉ်လျက်၊
လူရှင်အကျိုး၊ တိုးထက်တိုးအောင်၊
အားကြိုးမာန်ပါ၊ သယ်ပိုးပါမှ၊
ရလာဘဝ၊ လွန်လှပ၍၊
ဘဝအဓိပ္ပါယ်၊ ပြည့်ဖြိုးကြွယ်မည်၊
တကယ်စွမ်းသမျှ သယ်ပိုးကြ။
အရှင်တိက္ခ(တောင်စွန်း)

Wednesday, June 10, 2015

မုသားမဆိုဝံ့သော ကိန္နရာ

"မုသားမဆိုဝံ့သော ကိန္နရာ"

ပလေ_ပစာ၊ ထွေရာဆန်းပြား
တဖွားဖွားလည်း၊ စကားရတိုင်း
အပိုင်းမရှိ၊ ပြောမိပြောရာ
မပြောရာရှင့်။
ကိန္နရာစစ်၊ ငှက်မျိုးဖြစ်လျက်
ကျစ်လစ်သောအား၊ ကြောက်မုသားကြောင့်
စကားမသည်း၊ နှုတ်စောင့်စည်း၏။ (၂၁၂)

ရှေးသရောအခါ မုဆိုးတစ်ယောက်သည် တောသို့သွား၍ ဥပယ်တမည်ဖြင့် ဖမ်းရာ ကိန္နရာဖိုနှင့် ကိန္နရာမကိုရ၍ မင်းအားဆက်သ၏။ မင်းကြီးသည် မမြင်ဘူးသော ကိန္နရာ ဖို-မကိုတွေ့ရလျှင် ဝမ်းမြောက်ဝမ်းသာရှိ၍ "ဤသူတို့၌ အဘယ်ဂုဏ်ကျေးဇူးရှိသနည်း"ဟုမေး၏။

"ဤသူတို့သည် သာယာစွာသော အသံဖြင့် သီလည်းသီတတ်ကုန်၏၊ ကလည်းကတတ်ကုန်၏"ဟု မုဆိုးက လျှောက်လျှင် ဆုလာဒ်များစွာပေး၍ ကိန္နရာ ဖို-မတို့ကို သီကရန်တိုက်တွန်း၏။ သို့သော်လည်း သူတို့သည် မသီကြ- မကကြ၊ တစုံတရာစကားလည်းမဆိုဘဲ ဆိတ်ဆိတ်နေကြ၏။
မင်းကြီးသည် အမျက်ထွက်၍ "သင်တို့သည် နတ်လည်းမဟုတ်၊ လူလည်းမဟုတ်၊ အမဲဟင်းလျာအဖြစ် မုဆိုးဆောင်ခဲ့သည်ဖြစ်သောကြောင့် တခုကိုညစာ တခုကိုနံက်စာ ချက်စေ"ဟုဆို၏။
ထိုအခါ ကိန္နရီမက- "မင်းကြီး မကောင်းစွာဆိုသော စကားတစ်သိန်းသည် ကောင်းစွာဆိုသော စကားတစ်ခွန်းကို ၁၆-စိတ် စိတ်၍ တစ်စိတ်ကိုမျှ မတူရာ၊ ထို့ကြောင့် မကာင်းသော မုသားစကား ဆိုမိမည်ကို ကြောက်၍ တိတ်တိတ်နေပါသည်"ဟုဆို၏။
မင်းကြီးသည် ထိုစကားကိုကြားလျှင် အလွန်နှစ်သက်သည်ဖြစ်၍ "ကိန္နရီမကို နေမြဲအရပ်မှာလွှတ်ချေ၊ ကိန္နရာဖိုကို နံက်စာ စားတော်အိမ်သို့ ပို့ချေ"ဟုဆို၏။
ထိုအခါ ကိန္နရာဖိုလည်း "မင်းကြီး နွားတို့သည် မြက်သစ်ရွက်ကို စားသောကြောင့် မြက်ကို ပေါက်စေတတ်သော မိုးသည် နွားတို့၏ ကိုးကွယ်ရာဖြစ်၏။ လူသည် နွားအရသာ ငါးပါးကိုမှီ၍ အသက်မွေးရသောကြောင့် နွားသည် လူတို့၏ ကိုးကွယ်ရာဖြစ်၏။ ထို့အတူ အကျွန်ုပ်သည် မယာ၏ ကိုးကွယ်ရာ ဖြစ်ပါသည်။ နှစ်ယောက်စုံလွှတ်ပါသော် တောသို့ သွားရပါအံ့။ မလွှဲသာ၍ သေရမှသာ ကျွန်ုပ်တို့နှစ်ယောက် ကွဲရပါမည်။ အသက်ရှင်လျက်မကွဲချင်ပါ။ အကယ်၍ ကိန္နရီမကို တောသို့ပို့ပါလျှင် ကျွန်ုပ်ကို ရှေးဦးစွာသတ်ပြီးမှပို့ပါ"ဟုဆို၏။
ကိန္နရာဖို၏ စကားကိုကြားလျှင် မင်းကြီးအလွန်တရာ နှစ်သက်စွာ၍ ကိန္နရာဖိုနှင့် ကိန္နရီမ နှစ်ဦးလုံး ရွှေချိုင့်၌နေစေလျက် ထိုမုဆိုးကိုပင်လျှင် ဖမ်းခဲ့သောအရပ်သို့ အရောက်ပို့စေလေသည်။

စကားမြှား

စကားမြှား
🎄စကားတစ်ခွန်း
ပျားတစ်ဇွန်းလို
ကြည်ချိုမွှေးမြ
ဖေးမသလား။
😡စကားတစ်လုံး
အဆိပ်ပုံးထင်
နားဝင်မချို
ရန်လိုသလား……။
👨လူပြောမသန်၊ လူသန်မပြော
ဟောသည်မှာကြည့်၊ ပစ်ကွင်းထိအောင်
တော်တည့်ဖြောင့်မှန် …
ဟိံ … သစ္စံ …
အမှန်တရား
စကားမြှားသည်
မှားသူရင်ကို စိုက်စေသတည်း။
(မောင်စိန်ဝင်း - ပုတီးကုန်)

ကြည့်ဝတ်

"ကြည့်ဝတ်"
သိဉာဏ်ရှိတဲ့ လူဆိုတာ၊
အရှက်,အကြောက် ရှိရမှာ။
မဖော်သင့်တာ ဖော်ဝတ်တော့၊
အရှက်နည်းလို့ပေါ့။
အရှက်နည်းတော့ လူ့သိက္ခာ၊
ကျမှန်းမသိကျဆင်းလာ။
မသိမသာ နောက်ဘိတ်ဆုံး၊
တူပေါ့ ခွေးလုံးလုံး။
ဆိုဆုံးမတဲ့ ကိုယ့် မေ,ဖေ၊
ရင်နာရသလေ။
တို့ မောင်,မယ်တွေ မကဲနဲ့၊
အရှက်,အကြောက် ရှိပါကွယ့်။
ကဗျာစာဆို မသိပါ

Tuesday, June 9, 2015

သူတို့၏အမြင်

"အဆိုးမြင်ဝါဒီတစ်ဦးမည်သည် အခွင့်အလမ်းတိုင်းကို အခက်အခဲဟု မြင်သည်။

အကောင်းမြင်ဝါဒီတစ်ဦးမည်သည် အခက်အခဲတိုင်းကို အခွင့်အလမ်းဟု မြင်သည်။"

ဝင်စတန်ချာချီ၊ စစ်ကာလ ဗြိတိသျှခေါင်းဆောင်

"ခေါင်းဆောင်တစ်ဦး၏အကြားအာရုံသည် ပြည်သူတို့၏ အသံများဖြင့် မြည်ဟီးနေရမည်။

ဂွတ်ဒရိုးလ်ဝီလ်ဆန်၊ အမေရီကန်သမ္မတ (၁၉၁၃-၁၉၂၁)

ခံနိုင်ရည်

မိုးမှောင်ကကျ
လေပြင်းကတိုက်
မိုးသည်းထန်စွာရွာ
ငါနေတဲ့-တဲအိမ်လေး
တံခါးလေးတွေပိတ်လို့
သိပ်သိပ်ကလေး
ငါကွေးနေရဲ့။
မိုးကမလုံ
တိုက်လိုက်တဲ့လေပြင်း
ငါ့တဲအိမ်လေး လွင့်စင်ပြေးလေမလား?
ထိုသို့တွေးစဉ်
မမျှော်လင့်ဘဲ
ပစ်လိုက်တဲ့မိုးကြိုး ..ဂျိန်း ……
ငါ့နှလုံးသား နာကျင်လို့သွားခဲ့တယ်။
ဒဏ်ရာများနဲ့ နှလုံးသား
လောကဓံရဲ့ ရိုက်ပုတ်တဲ့ဒဏ်ကို
မခံနိုင်သေးပါလား။ ။
မုန်းမရှိ

Monday, June 8, 2015

ပျင်းရိခြင်းနှင့် ရောင့်ရဲခြင်း

*ပျင်းရိခြင်းနှင့် ရောင့်ရဲခြင်းကို ကွဲကွဲပြားပြား ခွဲခြားတတ်ဖို့လိုတယ်။

လေညင်း

ပျင်းရိချင်းနှင့် ရောင်ရဲခြင်းကိုတော့ သူငယ်ချင်းအားလုံးသိပါသည်။ မရေးတော့ပါ

အောင်မြင်မှုဟူသမျှ၏ သော့ချက်

*အောင်မြင်မှုဟူသမျှ၏ သော့ချက်ကား စိတ်အလိုကို မလိုက်မှားမှုပေတည်း။
သင့်ကိုသင်သာ ထိန်းသိမ်းနိုင်စွမ်းရှိပါစေ၊ သင်သည် ပညာတတ်တစ်ယောက်ပေတည်း။ ထိုအချက်ကင်းမဲ့နေလျှင် အခြားဘာတွေကို တတ်နေနေ အချည်းနှီးသာတည်း။
အမေရိကန် ခရစ်ယာန်ဘုန်းတော်ကြီး အာရ်၊ ဒီ၊ ဟစ်ခ်ျကော့

Sunday, June 7, 2015

မျက်စိမမြင်သော မိန်းကလေးတစ်ဦး၏ ပုံပြင်

"မျက်စိမမြင်သော မိန်းကလေးတစ်ဦး၏ပုံပြင်"
မျက်စိမမြင်သော မိန်းကလေးတစ်ယောက် ရှိခဲ့တယ်။ သူမဟာ သူမကိုယ်သူမ မုန်းတယ်။ ဘာကြောင့်လည်းဆိုတော့ သူမဟာ မျက်စိမမြင်လို့ပါပဲ။ သူမ ချစ်မြတ်နိုးသော သူမရဲ့ချစ်သူမှလွဲပြီး သူမ လူတိုင်းကို မုန်းတယ်။ သူက သူမအတွက် အမြဲတမ်းကူညီဖို့ အဆင်သင့်ရှိနေပေးတယ်။ "တကယ်လို့ သူမသာ မျက်စိမြင်နိုင်ခဲ့လို့ရှိရင် သူမရဲ့ချစ်သူကို လက်ထပ်မယ်"လို့ သူမ ပြောခဲ့တယ်။
တစ်နေ့မှာတော့ တစ်စုံတစ်ယောက်က သူမကို မျက်လုံးတစ်စုံလှူဒါန်းခဲ့တယ်။ သူမ အရာအားလုံးကို မြင်နိုင်သွားတယ်။ သူမ၏ချစ်သူကောင်လေး အပါအဝင်ပေါ့။ သူမရဲ့ချစ်သူက သူမကိုမေးတယ် "အခုတော့ နင့်မျက်စိမြင်သွားပြီဆိုတော့ နင်ငါ့ကို လက်ထပ်နိုင်မလား"။
သူမရဲ့ချစ်သူကို မျက်စိမမြင်တာ(ကန်းနေတာ) မြင်တွေ့လိုက်ရတော့ သူမ အရမ်းကို စိတ်ချောက်ချားသွားခဲ့ပြီ၊ သူမ သူ့ကို လက်ထပ်ဖို့ငြင်းလိုက်တယ်။ သူမရဲ့ချစ်သူဟာ မျက်ရည်များစွာနှင့် အဝေးကို လမ်းလျှောက်ထွက်သွားပြီးနောက် စာတစ်စောင်ရေးကာ သူမကို ပြောခဲ့တယ်။ စာထဲမှာရေးထားတာက "မြတ်နိုးရသော ချစ်သူ၊ ငါ့ရဲ့မျက်လုံးတွေကိုသာ ဂရုစိုက်လိုက်ပါ"တဲ့။
ဝတ်ရည်ဖူး

လူကြီးလူကောင်း

"လူကြီးလူကောင်း"

လူကြီးလူကောင်းဆိုရာမှာ လူကြီးနဲ့ လူကောင်းဟာ တစ်ပုဒ်စီပါ။ လူကြီးကတစ်ပုဒ် လူကောင်းကတစ်ပုဒ်ပါ။ လူကြီးဆိုသည်မှာ အသက်ကြီးရင်လည်း လူကြီးဖြစ်တာပါပဲ၊ တာဝန်ကြီးတွေယူထားရလို့ရှိရင်လည်း လူကြီးဖြစ်တာ လူကြီးလို့ အခေါ်ခံကြရတာပါပဲ။ ဒါပေမယ့် လူကြီးဖြစ်တိုင်း လူကောင်းမဖြစ်နိုင်ပါဘူး။ လူကြီးကို လူကောင်းဖြစ်အောင်လုပ်ပေးတာ သီလ(ကိုယ်ကျင့်တရား)ပါ။

လူကောင်းဆိုတာ ကိုယ်ကျင့်တရားရှိတဲ့သူကို လူကောင်းလို့ခေါ်ပါတယ်။ ဒါ့ကြောင့် လူကောင်းဆိုတာ လူကြီးဖြစ်မှ ဖြစ်နိုင်တာမဟုတ်ပါဘူး။ ကိုယ်ကျင့်တရားကောင်းတဲ့သူဆိုရင် လူငယ်လည်း လူကောင်းဖြစ်တာပါပဲ။ ဆင်းရဲတဲ့လူ ချမ်းသာတဲ့လူ ရာထူးရှိတဲ့လူ ရာထူးမရှိတဲ့လူ မည်သူမဆို ကိုယ်ကျင့်တရားကောင်းလို့ရှိရင် အားလုံးဟာ လူကောင်းဖြစ်နိုင်ကြပါတယ်။

ထို့ကြောင့် လူကြီးဖြစ်ဖို့ထက် လူကောင်းဖြစ်ဖို့က ပိုအရေကြီးပါတယ်။

အတုယူစရာ ပင့်ကူငယ်

"ပင့်ကူကလေး"

သူ့အိမ်ကွန်ယက်၊ မည်သူဖျက်လည်း

စိတ်ပျက်မရှိ ပြန်ဖွဲ့၏။

သူ့အိမ်ကွန်မျှင်၊ ပျက်အစဉ်လည်း

ပြန်ပြင်ခဏ၊ တည်ဆောက်ပြ။

လောကဓံဆိုး၊ အမျိုးမျိုးကြုံ

နွေ,မိုး,ဆောင်းဆောင်း၊ အကြောင်းကြောင်းကြောင့်

ထောင်းထောင်းကြေကြေ၊ သူမသေ၍

သူ့နေအိမ်ပျက်၊ သူပြန်ဆောက်သည်

အံ့လောက်ပါဘိ ချီးမွန်းမိ၏။

တင်မြင့်မောင်

ပျော်ရွှင်ပါစေ သူငယ်ချင်း

လူငယ်များအတွက်

"လူငယ်များသို့"

ဂိမ်းဆော့ကစားတာ အချိန်ပြည့်မို့၊ ခါးချည့်,မျက်စိ ထိခိုက်မယ်။
ကျန်းမာရေးကို သတိထားလို့၊ ကိုယ်လက်လှုပ်ရှား ကစားရမယ်။
စားသမျှအစာ အာဟာရဖြစ်ဖို့၊ စည်းကမ်းစနစ် ရှိရမယ်။
ယင်နား,မှည့်လွန် မှိုကပ်ကင်းလို့၊ လတ်ဆတ်သန့်ရှင်းရပါမယ်။
အသားကင်,ငါးကင် ရှောင်ကြဉ်ကြကွဲ့၊ သဘာဝဖျော်ရည်ပဲ သောက်ရမယ်။
ကျန်းမာကြံ့ခိုင် ဉာဏ်ရည်ဖြိုးမှ၊ ကိုယ်ကျိုး,ပြည်ကျိုး ထမ်းနိုင်မယ်။
မှတ်ကွယ်……မှတ်ကွယ်……။
မောင်ကျေးဇူး

Saturday, June 6, 2015

အသုံးဝင်လျက် တန်ဖိုးမဲ့

မျက်ကန်းတစ်ယောက်အတွက်
မှန်တစ်ချပ်ဟာ အလကားပါပဲ။
စိတ်ပုတ်ရှိနေသူအတွက်
ပညာတတ်ခြင်းဟာလည်း
အလကားပါပဲ ။ ။

အတွင်းရန်သူများ

"အတွင်းရန်သူများ"
၁။ စိတ်ဆိုးခြင်း
၂။ ကြောက်ခြင်း
၃။ စိတ်ရှုပ်ခြင်း
၎။ မုန်းတီးခြင်း
၅။ ကလဲ့စားချေလိုခြင်း
၆။ ဝမ်းနည်းခြင်း
၇။ လောဘကြီးခြင်း
၈။ နာမည်ကျော်ကြားလိုခြင်း
၉။ မာနကြီးခြင်း
၁၀။ စိတ်အားငယ်အောင်တွေးတောခြင်း

Friday, June 5, 2015

ဗုဒ္ဓဘာသာကို နှစ်ခြိုက်ရခြင်းအကြောင်း

ဗုဒ္ဓဘာသာကို ကျွန်ုပ်ဘာ့ကြောင့်နှစ်ခြိုက်ရပါသလဲ?
"အခြား ဘယ်ဘာသာကမှ လုပ်မပေးနိုင်တဲ့ အခြေခံမူ ၃-ခုကို ဗုဒ္ဓဘာသာက လုပ်ပေးနိုင်လို့ ကျွန်တော်နှစ်သက်ပါတယ်။
🎄အယူသည်းမှု မရှိအောင်
🎄သဘာဝလွန်ဖြစ်ရပ်ကို လက်မခံအောင်
🎄မေတ္တာတန်ဖိုးနဲ့ တန်းတူညီမျှရေးကို နားလည်အောင် ဗုဒ္ဓဘာသာက သင်ပေးပါတယ်။"
Dr.B.R.Ambedkar(အိန္ဒိယ)

ဆုံးဖြတ်ချက်အမှန်

😱 ပုထုဇဉ်ဆိုတာ မှန်ကန်တဲ့ဆုံးဖြတ်ချက်ကိုချနိုင်ဖို့အတွက် အင်မတန်မှခဲရင်းပါတယ်။
အဲ့ဒါကြောင့် အများသဘောတူညီမှုနဲ့ လက်ခံယုံကြည်မှုကို ရယူပြီးမှ ဆုံးဖြတ်ချက်ကို ချရတာ။ ဒါတောင်မှ အမှန်မဖြစ်နိုင်သေးပါဘူး။
ဘာဖြစ်လို့လဲဆိုတော့ အားလုံးဟာ ပုထုဇဉ်တွေ ဖြစ်နေလိုပါဘဲ။
မုန်းမရှိ

မရနိုင်တာ စွန့်လွှတ်လိုက်ပါ

😒 ဘယ်လိုမှ မဖြစ်နိုင်တော့တဲ့အရာအတွက် တွေးပြီးစိတ်ဆင်းရဲနေမယ်ဆိုရင် အချန်တွေကို အလဟဿဖြုန်းနေတာနဲ့ အတူတူပါပဲ။
မေဖုန်းသော်(မကွေး)

Thursday, June 4, 2015

ကြည်နူးစရာ

အတွင်းရန်သူများ

Wednesday, June 3, 2015

အမြတ်ဆုံးအရာ

လမ်းအားလုံးတို့တွင် အင်္ဂါရှစ်ပါးရှိသော လမ်းသည် အမြတ်ဆုံးဖြစ်၏။ သစ္စာအားလုံးတို့တွင် သစ္စာလေးပါးတို့သည် အမြတ်ဆုံး ဖြစ်ကုန်၏။ သဘောတရား အားလုံးတို့တွင် ရာဂ ကင်းသော သဘောတရား ( နိဗ္ဗာန်)သည် အမြတ်ဆုံးဖြစ်၏။ ခြေနှစ်ချောင်း ရှိကုန်သော လူ နတ် ဗြဟ္မာ သတ္တ၀ါ အားလုံးတို့တွင် ပညာမျက်စိ ရှိတော်မူသော မြတ်စွာဘုရားသည် အမြတ်ဆုံးဖြစ်၏။
( ဓမ္မပဒ)
Best of ways is the Eightfold (Way). Best of truths are the Four (Truths). Passionlessness is the best of (mental) states. The Man of Vision (cakkhuma) is the best of bipeds.

မပြုနိုင်စရာမကောင်းမှု မရှိသောသူ

သစ္စာတည်းဟူသော အမှန်တရားကို လွန်ကျူး၍ မဟုတ်မမှန်သော စကားကိုလည်း ဆိုလေ့ရှိ၊ နောင်ဘ၀အတွက် ဆင်ခြင် စဉ်းစားခြင်းလည်းအလျဉ်းမရှိသောသူမှာ မပြုနိုင်မည့် မကောင်းမှုဟူ၍ မရှိ။ (မကောင်းမှုဟူသမျှကို ပြုလုပ်နိုင်မည်သာတည်း။)
ဓမ္မပဒ
There is no wrong that cannot be committed by a lying person who has transgressed one (good) principle (i.e., that of truthfulness), and who has given up (all thought of) the other world.

မည်သူ့ကိုမျှ မညှင်းဆဲပါနှင့်

သတ္တ၀ါ အားလုံးတို့သည် တုတ် လှံတံကို လန့်ကုန်၏။ မိမိတို့၏ အသက်ကို ချစ်မြတ်နိုးကုန်၏။ (မိမိသည်လည်း ကိုယ့်အသက်ကို ချစ်မြတ်နိုးသော သတ္တ၀ါ တစ်ဦး ဖြစ်သည့်အတိုင်း) မိမိကိုယ်ကို ပမာထား၍ အခြား သတ္တ၀ါတို့ကို မညှင်းဆဲ၊ မသတ်ဖြတ်ရာ။

All (living beings) are terrified of punishment (danda); to all, life is dear. Making comparison (of others) with oneself, one should neither kill nor cause to kill.

တစ်ပေါက်စီကျတဲမိုးက မြစ်ချောင်းကို လျှံစေတယ်

ငါ၏ အနည်းငယ်မျှသော မကောင်းမှုသည် ငါ့အား အကျိုးမပေးလတ္တံဟု မကောင်းမှုကို အထီမဲ့မြင် မမှတ်ရာ၊ မိုးပေါက် ကျဖန်များသော် ရေအိုးကြီးပင် ပြည့်လေသကဲ့သို့ မကောင်းမှုကို အနည်းငယ် ပြုဖန်များသော် သူမိုက်သည် မကောင်းမှုနှင့် ပြည့်လေ၏။

Do not underestimate evil, (thinking) ‘It will not approach me.’ A water- pot becomes full by the (constant) falling of drops of water. (Similarly) the spiritually immature person little by little fills himself with evil.

အားကိုးမမှာစေနဲ့(ဓမ္မပဒ)

အားကိုးမမှားစေနဲ့
ငါ့မှာ သားသမီးတွေရှိ၏ဟု (သားသမီး ပစ္စည်း တို့ကို တွယ်တာ၍ မမြဲခြင်း သဘော တရားကို သတိမထားသော) သူမိုက်သည် စိုးရိမ်ပူပန်၏။ (ထိုသို့ပင် စိုးရိမ်ပူပန်သော်လည်း အိုခြင်း၊ နာခြင်း ၊ နှိပ်စက်၍ သေရမည့် အခါ) မိမိပင်သော်လည်း မိမိ အတွက် အားထားရာ မဖြစ်နိုင်၊ သားသမီး ပစ္စည်းဥစ္စာတို့သည် အဘယ်မှာ အားထားမှီလိုရာ ဖြစ်နိုင်ကုန်အံ့နည်း။

The spiritually immature person vexes himself (thinking) ‘Sons are mine, riches are mine’. He himself is not his own, even; how then sons? how then riches?

စကားပြောရာ သတိထားပါ

"စကား"
လူတစ်ယောက်ရဲ့ အမှုမဲ့,အမှတ်မဲ့ သာမန်ပြောလိုက်တဲ့ စကာတစ်ခွန်းဟာ ထိုသူအတွက် ဘာမှမဖြစ်လောက်ဘူး ထင်ပေမယ့် တစ်ခြားလူတစ်ယောက်အတွက် များစွာထိခိုက်နိုင်သွားနိုင်ပါတယ်။
ထို့ကြောင့် စကားပြောဆိုရာတွင် သတိထားပြောဆိုပါ။

ပေါင်းသင်းနည်း

"အများနှင်တည့်အောင် ပေါင်းသင်းနည်း"
၁။ ကိုယ့်အပြစ် ကိုယ်ရှာ(အများမကြိုက်တဲ့အချက်)
၂။ ကိုယ့်အပြစ် သူတစ်ပါးပြောလာ ဝမ်းသာ(ပြုပြင်)
၃။ သူတစ်ပါးရဲ့ကောင်းကွက်ကိုကြည့်(လူတိုင်းမှာ တစ်ခုကောင်းတော့ ရှိတတ်မြဲ)

ဝေဖန်ရေးသမား

"ဝေဖန်ရေး"
ဝေဖန်ရုံသက်သက်နဲ့ ရပ်မနေနဲ့၊
ဝေဖန်တယ်ဆိုရင် အဖြေတစ်ခုကို ထုတ်ပြနိုင်ရမယ်
အဖြေတစ်ခုမှထုတ်မပြနိုင်ဘဲ ဝေဖန်ရုံသက်သက်ဆိုရင် အဲ့ဒါ အဖျက်သမားဖြစ်သွားရော။

မရှာပါနဲ့ ရှာပါ

ကြိုက်လို့ပါ

သုတနွမ်းပါးမှု

"သုတနွမ်းပါးရင်"
သုတနွမ်းပါးမှုက ကြောက်စရာ အကောင်းဆုံးပါပဲ။
ငွေနွမ်းပါးတာ၊ စားစရာနွမ်းပါတာက တစ်ယောက်တည်း ဒုက္ခရောက်မှာ။
သုတနွမ်းပါးတာက ပတ်ဝန်းကျင်တစ်ခုလုံး၊ တစ်နိုင်ငံလုံး ဒုက္ခရောက်မှာ။
ကောင်းဆက်နိုင်

Tuesday, June 2, 2015

မင်းမရှိလို့မဖြစ်ဘူး

"ငါ့အတွက်မင်း"
မင်းသာ ငါ့ဘဝရဲ့ အလင်းရောင်၊
မင်းသာ ငါ့ မျှော်လင့်ချက်၊
မင်းသာ ငါ့နှလုံးသား၊
မင်းသာ ငါ့အင်အား၊
မင်းဟာ အခြားမဟုတ် …
ပညာ … သာ ။ ။
M.အာတာရ် R.အာလီ

သီလစွမ်းအင် အကျိုးထင်၏

ကိုယ်ကျင့်သီလတန်ဖိုး
ကိုယ်ကျင့်သီလသိက္ခာမရှိလျှင် ပညာတွေဘယ်လောက်တတ်တတ် ရာထူးတွေဘယ်လောက်ကြီးကြီး ပစ္စည်းဥစ္စာတွေဘယ်လောက်ရှိရှိ မိမိအကျိုး၊ လောကအကျိုးကို ကြာရှည်အောင် မထိန်းနိုင်ပါဘူး။ ကြာရှည်အောင် မစွမ်းဆောင်နိုင်ပါဘူး။

ဆရာကောင်းဂုဏ်အင်

"ဆရာ့ကျေးဇူးစွမ်းရည်ထူး"
လူဆိုတာ မသင်ဘဲ ဘာမှမတတ်ဘူး။ ဆရာမပြဘဲ ဘာမှ နည်းမှန် လမ်းမှန် မတတ်မြောက်နိုင်ပါဘူး။ အသင်၊အမြင်၊အကြား မပါဘဲ ဘယ်ပုထုဇဉ်မှ အသိဉာဏ် မတိုးတက်နိုင်ဘူး။ ဘဝတန်ဖိုးနိမ့်ကျနေမယ်။ သင်ဆရာ၊ မြင်ဆရာ၊ ကြားဆရာတို့ရဲ့ နည်းညွှန်လမ်းပြရရှိမှ အသိမှန် ဉာဏ်ဖွံ့ဖြိုးလို့ လူ့စွမ်းအားတိုးတက်ပြီး လူ့တန်ဖိုးမြင့်မားနိုင်ပါတယ်။ တန်ဖိုးမဲ့အဆင့်ကနေပြီး တန်ဖိုးမြင့်အဆင့်ရောက်အောင် မြင်ှ့တင်ပေးတဲ့ ဆရာများရဲ့ ကျေးဇူးဟာ အထူးကြီးမား များပြားလှပါတယ်။
ဆရာကောင်းဆိုတာ ……
၁။ စာပေနှံ့စပ်ကျွမ်းကျင်တယ်၊ အကြားအမြင် ဗဟုသုတကြွယ်ဝတယ်။
၂။ အများနားလည်အောင် သင်ပြပေးလိုတဲ့ ဝါသနာ အထုံအားကြီးလို့ အထူးစိတ်ပါဝင်စားတယ်။
၃။ အကျိုးလိုလား မေတ္တာထားလို့ စေတနာထက်သန်တယ်။
၎။ ကိုယ်ကျိုးစွန့်ခွာ အနစ်နာခံနိုင်တယ်။ ကိုယ်ရဖို့ထက် သူများပေးဖို့သာ အာသန်နေတတ်တယ်။
ပြီးတော့ ဆရာမြတ်ဟာ ……
၁။ မေတ္တာနဲ့ အရိပ်ပေးပြီး စည်းကမ်းနဲ့ အလှဆင်ပေးတယ်။ နည်းကောင်းလမ်းမှန် ဝင်ရောက်နိုင်အောင် တံခါးဖွယ့်ပေးတယ်။
၂။ တပည့်ကို မတိမ်းစောင်းအောင် ထိန်းကျောင်းပေးတယ်။
၃။ မဆုတ်၊ မရပ်၊ မချော်ရအောင်၊ အချိန်မီ အလုပ်ပြီးအောင် ပန်းတိုင်မရောက်မချင်း တွန်းအားပေးတယ်။
၎။ လမ်းမမှားရအောင် ညွှန်ကြားပေးတယ်။ ပညာနဲ့ ထည်ဝါအောင် ဂုဏ်ကျက်သရေ အဆင့်ဆင့်တင်ပေးတယ်။
ဆရာကောင်းဟာ တပည့်ကောင်းရဲ့ အထိန်းတွန်းအား လမ်းညွှန်ကောင်းဖြစ်တယ်။ တပည့်ကိုယ်တိုင် သတိနဲ့ ထိန်းတတ်ဖို့၊ ဝီရိယနဲ့ ကိုယ့်ဟာကိုတွန်းတတ်ဖို့၊ ပညာနဲ့ ကိုယ့်ဟာကိုယ် သုံးသပ်ဆုံးဖြတ်တတ်ဖို့ ဆရာက အားလုံးလမ်းညွှန်သွန်သင်ပေးပါတယ်။
နောက်ပြီးတော့ ဆရာကောင်းဟာ ……
၁။ တပည့်များကို မေတ္တာတရားနဲ့ စောင့်ရှောက်တယ်။ မေတ္တာ လွှမ်းခြုံပေးတယ်။ မေတ္တာဓာတ် ကူးစက်စိမ့်ဝင်စေတယ်။
၂။ ကရုဏာတရားနဲ့ သနားကြင်နာ စာနာစိတ်ထားပြီး ယုယုယယ ဖေးမကူညီ စောင့်ရှောက်ပေးတယ်။
၃။ တကယ်ကြိုးစားလို့ တကယ်တော်လာ ကောင်းလာရင် မုဒိတာတရားနဲ့ ဝမ်းမြောက်ဝမ်းသာ ဂုဏ်တင်ချီးမြှောက်ပေးတယ်။
၎။ တကယ်အရည်အချင်း ပြည့်စုံသွားလျှင် အထူးကြောင့်ကြမစိုက်တော့ဘဲ ဥပေက္ခာနဲ့ အေးမြစွာ လျစ်လျူရှုလိုက်တယ်။ မတော်မကောင်း တိမ်းစောင်းသွားလို့ အပြစ်ရှိလာရင်လည်း သူ့ကံနဲ့သူပဲမို့ ဥပေက္ခာနဲ့ အေးမြစွာ ပြစ်ဒဏ်ပေးတယ်။ လက်လွှတ်လိုက်တယ်။
ဆရာကောင်း ဆရာမြတ်နှင့် တကယ်တွေ့ဆုံခွင့်ရတဲ့ တပည့်ကောင်းပုဂ္ဂိုလ်ဟာ ပစ္စုပ္ပန်တစ်ဘဝတင်မကဘူး၊ သံသရာတစ်ခွင်နိဗ္ဗာန်ရောက်သည်အထိ အစောင့်အရှောက်ကောင်း၊ ဓာတ်ကောင်း၊ အလေ့အကျင့်ကောင်းများကို ထုံနေအောင် ရရှိတတ်စမြဲပါ။
တိပိဋကဓရ ယောဆရာတော်

ဒီနှစ်ဂေဇက်

ဂေဇက်ထွက်တော့ သူမပါ
ဝမ်းနည်းစကား ပြောဆိုလာ၊
ခဏတော့ကွယ် သူခံပြင်း
ကြိုးစားမယ်လို့ အားမာန်တင်း။
တစ်လ,နှစ်လ ကျော်လွန်လာ
ရှေးနည်းအတိုင်း သူ့မူယာ၊
စားကာ,အိပ်ကာ ဟန်ရေးပြ
အစမ်းဖြေတိုင်း သူလေကျ။
ပြစ်တင်ရှုံ့ချ သူ့ဖို့မှာ
ရိုးနေပြီကွဲ့ မရှက်ပါ။
နောင်နှစ်ခါ အောင်ဂေဇက်
ရှေးနည်းအတိုင်း ကျန်ရစ်လျက်။
တစ်နှစ်,နှစ်နှစ် သုံးနှစ်တက်
နှစ်သာကုန်ခဲ့ တန်းမတက်။
မူရင်းစာသားကို အနည်းငယ်ပြင်ထားပါသည်

စာမေးပွဲသမားများအတွက်

"နှစ်သာကုန်ခဲ့ ဂုဏ်မတက်"
ဂေဇက်ထွက်တော့ သူမပါ
ဝမ်းနည်းစကား ပြောဆိုလာ၊
ခဏတော့ကွယ် သူခံပြင်း
ကြိုးစားမယ်လို့ အားမာန်တင်း။
တစ်လ,နှစ်လ ကျော်လွန်လာ
ရှေးနည်းအတိုင်း သူ့မူယာ၊
စားကာ,အိပ်ကာ ဟန်ရေးပြ
အစမ်းဖြေတိုင်း သူလေကျ။
ဒဏ်ထမ်း,ဒဏ်လျှောက် သူ့ဖို့မှာ
ရိုးနေပြီကွဲ့ မရှက်ပါ။
နောင်နှစ်ခါ အောင်ဂေဇက်
ရှေးနည်းအတိုင်း ကျန်ရစ်လျက်၊
တစ်ဝါ,နှစ်ဝါ သုံးဝါထွက်
နှစ်သာကုန်ခဲ့ ဂုဏ်မတက်။
နောင်ဝါ(နဂါး)၏ 'လွယ်အိပ်လိုလူစားနှင့် အခြားကဗျာများ' စာအုပ်မှ

မှတ်သားဖွယ်

Monday, June 1, 2015

စကားလက်ဆောင်

အမှားအယွင်းတွေထဲမှာ နစ်မွန်းပျော်မွှေ့နေမည့်အစား ရုန်းထွက်လာနိုင်တာ ပိုပြီးဂုဏ်ယူစရာပါ။

လူ့သဘော လူ့မနော

လူဆိုတာ
နာကြည်းမုန်းတီးဖို့ လွယ်သလောက်
သည်းခံခွင့်လွတ်ဖို့ ခတ်တယ်
အကြံပေးဖို့ လွယ်သလောက်
လိုက်နာဆောင်ရွက်ဖို့ ခတ်တယ်
အပြစ်တင်ဖို့ လွယ်သလောက်
ချီးမွန်းတတ်ဖို့ ခတ်တယ်………

ဒေါသ

ဒေါသ
လောကမှာ အပြင်းထန်ဆုံးအဆိပ်ဟာ ဒေါသပါ။
လူတစ်ယောက်ရဲ့ ဂုဏ်သိက္ခာကို သိသိသာသာ ကျဆင်းစေတာ ဒေါသပါ။
ကိုယ့်အပေါ်ထားရှိတဲ့ ပတ်ဝန်းကျင်ရဲ့ မေတ္တာတရားကို ဆုံးရှုံးစေတာ ဒေါသပါ။
ကိုယ့်အပေါ် ကူညီစောင့်ရှောက်နေသူတွေရဲ့ ကမ်းလက်ကို ပုတ်ချလိုက်တာ ဒေါသပါ။
ကိုယ့်အပေါ် သူတော်ကောင်းတစ်ယောက်အဖြစ် သတ်မှတ်ထားသူတွေရဲ့ ယုံကြည်မှုကို ဖျက်ဆီးပစ်တာ ဒေါသပါ။
မိမိအကျိုးကို မသိအောင် ကာကွယ်ပိတ်ပင်လိုက်တာ ဒေါသပါ။

အမွေခံမြွေ

အမွေခံမြွေ
လောကုပဒေ ၊ အမွေဟူငြား
သားချင်းများတို့ ၊ မွေစားမစုံ
မွေပုံမပြီး ၊ အတီးမသွေ
ရှေးလွန်လေက ၊ သန္ဓေအဟိတ်
ဈန်မဂ်ပိတ်လည်း ၊ မဆိတ်မွေစု
မြွေထုံးရှုလော့ ။ (၃၇၉)
ရှေးသောအခါ ဗာရာဏသီပြည်၌ သူဌေးတယောက်၏ မယားသည် ယောက်ျားငါးယောက် ၊ မိန်းကလေးတယောက်နှင့် ထို့နောက် လူကားမမွေး မြွေမွေး၏။ အမိအဖတို့သည် ရှက်ကြောက်သည်ဖြစ်၍ သေခဲ့သည်ဆိုကာ အိမ်ခြံရင်းနားတွင် ထူးတွင်းပြု၍ ထား၏။ ကြာသော် မြွေသည် ထွန်တုံးလောက်ရှိ၏။
သူဌေးလင်မယားသည်သေခဲ့၍ ထိုသားသ္မီးခြောက်ယောက်တို့သည် အမိအဖတို့၏ အမွေကို ခြောက်စုစု၍ ဝေကြ၏။ မြွေလည်း အမွေဝေရာသို့လာ၍ ခြောက်စုစုသည်ကို အမြီးနှင့်သိမ်း၍ ဖျက်ပစ်၏။ အကြိမ်များစွာ ပြုလက်မူ အကိုကြီးသည် ဗာရာဏသီမင်းထံသွား၍ လျှောက်ကြား၏။
မင်းလည်း မြွေ၏ ဇာစ်မြစ်ကိုစစ်မေးပြီးလျှင် "ထိုသို့ တပြီးကား မြွေလည်း သားပင် ဖြစ်သောကြောင့် မြွေ၏ အဘို့လည်း တစုပါလေ"ဟု ဆို၏။ မြွေ၏အဘို့နှင့် ခုနစ်စု စုသောအခါ မြွေသည် မိမိအဘို့ကို အမြီးနှင့်သိမ်း၍ နှစ်မအထွေးသို့ ပေါင်းပေးပြီးလျှင် မိမိနေရာသို့ ပြန်သွားလေ၏။
တိရစ္ဆာန် ဖြစ်စေကာမူ တမိတဖဖြစ်သောကြောင့် မိဘတို့၏ အမွေဥစ္စာကို ထပ်တူထပ်မျှ စားရ၏။ သို့ကြောင့် သားချင်းတို့သည် ယုတ်မြတ် ဖြစ်ကြစေကာမူ မိဘတို့၏ အမွေဥစ္စာ အတူအမျှလျှင် ဝေစေကုန်ရာ၏။ မိဘတို့၏ အမွေဥစ္စာကို သားသ္မီးတို့သာလျှင် ရရာ၏။ အဖိုး၊ အဖေး၊ ဖထွေး၊ မိကြီး၊ မိထွေး၊ အဖွားတို့ မစားရကုန်။
(မဟာသုတကာရီ လမ်းညွှန်နီတိ)မှ မျှဝေသည်